*
طـــــاجين بالخضـــــــــــرة
*
1-تاخدي البطاطا وجزر والفلفل الحلو ديريهم شرايح زي الصوره
شوية زيت يذوب يدهن كويس ورشه ملح وحطيهم في الفرن سخون من فوق ومن تحت بدون ماتغطيهم حتى بيتحمروا شويه طلعيهم ماتخليهموش يجفو
2-خودي حبة بصل كبيره وافرميها انا فرمتها في ست البيت اليدويه ،،خوديه وحمصيه في شوية زيت حتى يصبح اشقر وبعدين ضيفي عليهم اربع فصوص ثومه مفرومين لحد مايذبل ،،وحولي الخليط هذا من عالنار لن يبرد ويعدين ضيفي عليه كميه من المعدنوس المفروم والجبنة المبشورة ولازم يبرد قبل حتى ماتسيحش الجبنه
3- خودي ستة بيضات اضربيهم كويس مع رشه ملح ورشه فلفل أكحل وزيدي عليهم ملعقة صغير بكن باودر وضيفي عليهم فنجان قهوة ((حليب))او اذا كان عندك ((كريمة الطبخ ))تخلطي المزيج هذا كويس وخودي منه مقدار من خليط البصل واالمعدنوس وخلطيه وخلي الباقي على جنب حتى توزعيه على الوجه
هاتي الطاجين وادهنيه بالزيت ورشي خبز مرحي عليه لن يتغطى كويس وبعدها رتبي البطاطا هي الاول وبعدها خليط البيض والبصل والمعدونس وبعدها رتبي شرايح الجزر والفلفل الحلو وآخر شي وزعي باقي خليط البيض والحليب على الوجه ورشي كميه من الجبنه حسب رغبتك
تاكـــــــــــــــــــلوا بالصـــــــــــــــــحة و الهنـــــــــــــــــــــــاء
0 disqus-facebook :
إرسال تعليق